Orlofshús í Grafningi

Byggingu gestahúss við Þingvallavatn í Grafningi lauk árið 2025. Húsið er 40 m2 að stærð. Þaðan sem húsið stendur er ægifagurt útsýni yfir vatnið en að vestan gnæfir bergveggurinn yfir landið. Húsið leitast við að fanga umhverfið, það hallar að vatninu en rís að bergveggnum. Líta má á lágbygginguna sem akkeri er festir bygginguna í brattri hlíðinni.